لو مرتبك 2000 جنيه ومش عايز تكتب قائمة منقولات، تعمل ايه؟

 

لو مرتبك 2000 جنيه ومش عايز تكتب قائمة منقولات، تعمل ايه؟

ليه بنكتب المقال دا؟

بسبب بعض الرجال المدجنين أثناء حدث (قائمة المنقولات) قاموا بممارسة تكتيكات العار والاستهزاء بالرافضين لكتابة قائمة المنقولات، والاستناد إلى ضعف المرتبات الحالي.

مدخل

لو انت مرتبك 2000 جنيه أو لسة طالب، ومش عايز تكتب قائمة منقولات؛ فالمقال دا مهم، وهيساعدك تزود دخلك، ومش مطلوب منك غير 3 لـ 5 ساعات في اليوم. 

وطبعًا مش صعب لطالب انه يفضي نفسه 3 ساعات يوميا، ولا موظف براتب قليل بيشتغل 8 ساعات من 9 الصبح ل5 بليل مثلًا، بحيث يرجع ياكل ويظبط نفسه، وعلى العشاء كدا الساعة 8 بليل يقعد 3 ساعات وينام 11 أو 12 بليل، دا مش هيأثر عليه، وممكن لو شخص متزوج وحابب يزود دخله لو نظم وقته بحيث ميجيش على حق اللي بيعولهم.

 

ايه المطلوب منك؟

 -1جهاز إلكتروني بيشغل نت موبايل أو كمبيوتر حتى لو كحيان وآخره يشغل ويندوز 7، ويُفضل يكون جهاز، ولو معندكش جهاز، فجهاز رام 4 وهارد عادي ميزيدش عن 200 جيجا، وكيبورد وماوس وشاشة عادية، كل دا مش هيعدي 2000 جنيه. 

-2نت، وايفاي الباقة أم 137 جنيه كويسة وتشغلك. 

 -3وقت، في اليوم من 3 ساعات ل5 ساعات، يعني في الاسبوع من 18 لـ 30 كمتوسط انت محتاج يوم كامل من الأسبوع، وتستمر على كدا، سنة لـ 3 سنين على حسب قدراتك وتركيزك، تكون تخصصت في مجال من اللي هنذكرهم، وتكون بتشتغل بمرتب كويس إضافي، سواء كنت طالب، أو موظف بمرتب ضعيف.

العملي

أول حاجة لازم تختار المجال، وانا برشح للناس البرمجة، لكن مش كل الناس هتحب المجال، رغم انه المستقبل حاليًا، فنبدأ بالخطوات الأولى: 

 -1نقل التجربة:

أفضل حاجة انك تقعد مع شخص يلخصلك الأمور وينقلّك اللي هيختصر عليك المسافة، ودي من أفضل الطرق، حيث مش هتتعب وتدور لوحدك وتكرر الأخطاء:

أ- المقطع الأول

ب- المقطع الثاني

جـ- المقطع الثالث

د- المقطع الرابع

ودا كافي انك تشوف تجارب تشجعك انك تخوض الرحلة.
 

 -2التصور وتحديد المجال المناسب:

طيب شوفت التجارب للناس اللي قبلك واتشجعت؟

تعالى نبدأ في الجد شوية، انت هتاخد كورس صغير على العمل الحر، بحيث تفهم معناه ومجالاته، والمواقع اللي هتبدأ عليها ومنه تحدد:

قائمة تشغيل 1
قائمة تشغيل 2

 

 -3المسار:

بعد ماشوفت التجربة، وحددت، عايز ناس كويسة تفهم منها تمشي ازاي:

أ- عندك موقع خمسات وحاسوب ومستقل نفسهم فيهم تجارب ومقالات عن المجالات الأكثر طلبًا، وعن ازاي تتفوق في الموقع...إلخ، المقال دا مثلًا: (اضغط هنا)

 

بيكلمك على أكتر المجالات طلبًا، وانا ممكن احصرهملك:

 -1البرمجة بشكل عام.

-2 التصميم.

-3 الترجمة والكتابة.

 -4التسويق الرقمي.

 

 

-1 البرمجة:

ابدأ  بأسامة الزيرو أو أكاديمية حاسوب "مش مجانية لكنها ممتازة"، ومنصة إدراك، ويودمي، ولو اللغة عندك متظبطة شوية شوف كورسيرا، وفي مواقع كتير تانية متاح عليها كورسات مجانية في المجال، وكمان جوجل نفسها فيها مشاركات لأفضل الكورسات المجانية في المجال لكن محتاج لغة متظبطة.

 

 -2 التصميم:

المقطع الأول

المقطع الثاني

المقطع الثالث

 

 -3 الترجمة:

اللغة كدا كدا مهمة، ولو قدرت تتمكن منها، فانت أصبحت متقن لها، ابدأ مع ابراهيم عادل zamerican english والكورسات المجانية برضه كتير، الموضوع محتاج استمرار واهتمام مش اكتر.

 

 -4التسويق الرقمي:

ودي متاح ليها كورس جوجل عاملاه مجاني، وبتحصل على شهادة من جوجل لما بتتم الكورس، وكمان كورس على إدراك بسيط ممكن تبدأ به بعد كدا تبدأ بكورس جوجل.

أثناء التعلم التطبيق تسأل مين؟؟

طبعًا دي أكتر المجالات اللي شغالة حاليًا وبقى معاك طرقها، بس برضه عايز تسأل =عليك بجروبات المجال اللي اختارته، مثال: 

 -1البرمجة:
دا جروب أسامة الزيرو، ممكن تسأل عن أي حاجة، وتعرض شغلك كل ماتتخطى مستوى معين، وتبحث بنفسك في الإجابات السابقة: (اضغط هنا) 

 -2التصميم:
دا جروب مصممين عالناصية(اضغط هنا) : 

وكذلك اللغة، والتسويق، ولو اختارت مجال غير اللي تم ذكرهم هتلاقي كورسات، وهتعرف تختار الأفضل ليك، وتتابع في المجموعة، هتتعب شوية، وهي أول طلعة صعبة، وبسببها الناس مش بتكمل، زي انك تفهم طبيعة التعلم عن بعد، وتقرا كتير عشان تحدد، وتشوف أنسب المواقع اللي هتاخد منها الكورسات في المجال اللي انت اختارته، بس بمجرد ما تستقر وتبدأ وتصبر شوية = هتلاقي اللي بعد كدا أسهل وأقل تشتتًا بإذن الله.